由於我每次打xanga都係過左幾個月先打，所以每次我打xanga ge時候，都有一種︰「喂！各位，小弟還在人世呀！」的感覺……（雖然最近都有上msn的說……） 今次打xanga ge主要原因係想總結一下今年ge生活，算係不過不失啦！大學五件事︰住hall，上莊，part time，拍拖同讀書，我都做左四樣。（剩低一樣睇黎都係遙遙無期架啦……） 住hall︰住左一個sem，即係半年，但係純粹係住，同d人無乜交流，偶爾都可能會say下hi咁，我覺得自己ge性格真係唔適合住hall，所以半年之後即係住番屋企，雖然只係住左半年hall，但係都已經深深睇會到「在家千日好」呢句話ge含意。 上莊︰上games soc.莊，一個好頹但係凝聚力好強ge soc。但亦因為咁樣，所以今年會員勁少人，莊員更少，得四個人，乜都一腳踢，不過相信如果好好咁善用資源，四個人都可以有d攪作ge……i hope so la............. part time︰現正向中、小學生教導圍棋，都算唔錯，雖然做呢份part time學唔得多野，但總算係個開始，而且圍棋仲係我ge興趣！ 讀書︰呢part應該係最重要，其實本來好想hae讀，但係發現唔hae得，而且有時根本hae唔到，project一個接一個，mid-term又一個一個黎，上完堂成日會聽到︰「好野！聽日考完mid-term之後可以輕鬆下，咦？唔係喎，下星期一個project deadline喎，之後星期二又有mid-term……」真係俾你都唔敢hae，而且project呢家野唔係一個人ge事，做得唔好分分鐘會累死人，所以都係一句，唔hae得！ 雖然冇hae讀，但係成績都好似hae hae地，fall sem如果唔係有maths006，我死梗……spring sem如果唔係有mark112，我都死梗……宜家差兩科未派，如果個兩科分別係B+同A-我實開心死，因為我將會一個series由A+至C+都有！（我都知我好怪，一般人應該只會拎哂A+先會開心死……）不過呢個絕對係一個奢望！因為我計過多數都係得個B……唉！ 讀BBA冇乜學到，唯一學到就係點樣present，或者咁講，係練個膽唔好淆presentation，事實上英文係冇進步過……亦即係死淨把口…… 就咁渾渾噩噩讀左一年，成績一般，所以揀major都幾傍偟，都係隨便揀，邊科肯收就讀邊科……希望下年會生生性性，努力做人，讀好d書啦！ | 
